Израил щыкIуагъэ Адыгэ фистивалыр Нальмэсым къигъэбаигъ Чъэпыогъум и 13-м щегъэжьагъэу и 15-м нэс Израил ит Адыгэ къуаджэу Кфар-Кама Адыгэ фистивал щыкIуагъ. Ащ Израил щыщ цIыф мин пчъагъэ къеэблэгъагъ

Адыгэ лъэпкъым фэгъэхьыгъэхэм нэIуасэу афэхъугъэх, къуаджэм дэт Адыгэ музеим, Адыгэ къуае зыщашIырэ чIыпIэм, Адыгэ къашъохэм ыкIи нэмыкIхэм.

Мы мэфищым нахь къыхэбгъэщын плъэкIыщт чъэпыогъум и I4-м, пчъыхьэм, Адыгэ республикэм икъэшъуакIо купэу Налмэсым концертэу къигъэлъэгъуагъэр. Ащ цIыф мин пчъагъэу къекIолIагъэм лъэщэу Налмэсыр ягу рихьагъ, концертыр зэухы нэужьым цIыфхэр зэхэмыкIыжьэу бэрэ агу Налмэсым къыфтэуагъэх. ытIанэ Кфар-Кама итхьэматэ Нэпсэу Закарие Нальмэсым хэтхэм тхьэегъэпсэух ариIуагъ ыкIи Нальмэсыр зэрищэхэрэм гъэшIуагъэ шIухьэфтынхыр аритыгъэх.

Мыщ фэдэ фистивал илъэс къэс пIомэ хъунэу Израил щыпсэурэ Адыгэхэм къырагъэкIокIы. Зы илъэсым Кфар-Кама ар щашIы адрэ илъэсым Израил ит атIуанэрэ Адыгэ къуаджэу Рихьание щашIы.

Сурэтхэр Кфар-Кама ихасэ трихыгъэх.